Tujhpe nirbhar nahi hun abhi
tune mujhe swawalambi jo banne diya
Teri yaad firbhi rehreh ke aati hai ma
Teri baaton ki mithaas har meethe se badhkar laga
ma ke lal jaisi bigdi nahi thi ma ki bitiya kabhi
tune har tadke me pyar dhalna sikhaya jo tha
teri yaad firbhi rehrehke aati hai ma
tere haath ka jadu mere khane me hamesha kamtar raha
yoon to, ek phone call ka hi tha faasla
Ik challang se mit jati thi aisi dooriyan
Teri yaad firbhi rehrehkar aati hai ma
aaj ye doori bohot jyada kyon hai khalne laga
Mai roti to tu godi mera sar rakh ashwasan deti
gale se lagati, teri dhadkano se roobaroo karti
teri yaad reh reh ke aa rahi hai ma
Aashankaaon ka sailaab mann me jo uthne laga
Daud aaungi tere paas jo ye rok khatm hua
dua me teri salamati ki harpal rakhti hun chaah
Teri yaad reh reh ke sata rahi hai ma
Tujhse milkar hi khatm hoga, dilme utha dhua
Aruna, 10 June’2020
ThoughtsIJot 