Rewrote this….
Aaj fir ek sapna toot gaya
Aaj fir sapnon ki nagri me ek laash baramat hui
Aaj fir katl hua kayeen ansune bezubaan khwabonka
Wahi khwab jo zehenme uddham macha deta hai
Wahi khwab jo zidpe adaa rehta hai
Khuli aankohnme basta hua sapna
Kabhi aksme, kabhi roohme
kabhi poore wajood me ghulne wala sapna
Aaj fir un sapnon ne dam tod diya,
Aaj fir un sapnon ne jeena chod diya,
Aaj fir, woh sapna kisike chote kamre ke
unchi chat par tange pankheinse latka mila
Aaj fir, woh sapna kisike aankhomein hi kaid reh gaya,
wahi, usi kamre me goonjte hue siskiyon me simat gaya
Tum kahoge…
Sapna hi to hai, fir jee uthega
Aaj kisike nazronse gira, kal kisike palkome ja basega
Darrasal, tum sach kehte ho,
Khwaab kabhi marta nahi, Kisi kaid me rehta nahi
Bhataka rehta hai harsu, Kabhi kisi jagah rukta nahi
Marte to log hai,
unn sapnon pe apna sabkuch lutane wale
Unn sapnonke peeche bhagne wale
Hairat magar ke, sapna na hota to kya hota
Na jeene ki wajah hoti, na jazba hota
Ajeeb kashmakash hai,
Tere rehte na chain tha, na tere jane ke baad rahega
Mai rahu na rahu, tu har dam aabad rahega
Bass ek iltija hai dost,
Toote khwabonko kar alvida
Naye khwabonki talaash jari rakh
Dostonse mil, pyar kar
baatonme beshumari rakh
Aaj bikhre hai ummeed to gam na kar
Naye khwab bator, dilke kone me ek kyari rakh
Mushkilein to aani hai, aakar rahegi
To bass, Mushkilon ko jeetne ki tayyari rakh